ઇસ્કોન ખાતે આયોજિત નવરાત્રી ગરબામાં દંગાપરા પ્રાથમિક શાળાના બાળકો એ આપ્યું અદભુત પરફોર્મન્સ

ઇસ્કોન ખાતે આયોજિત નવરાત્રી ગરબામાં દંગાપરા પ્રાથમિક શાળાના બાળકો એ આપ્યું અદભુત પરફોર્મન્સ

ગુજરાત : નવરાત્રી ગરબા માટે ભાવનગર માં અતિ લોકપ્રિય એવા ઈસ્કોન ક્લબ અને આર્ચીસ ગ્રૂપ દ્વારા રોટરી ક્લબ ઓફ ભાવનગરના સહયોગ થી આયોજિત નવરાત્રી ગરબામાં ઘોઘા તાલુકા ના અંતરિયાળ પર્વતીય વિસ્તાર માં નાના ખોખરા પાસે આવેલ દંગાપરા પ્રાથમિક શાળાના નાના ભૂલકાઓએ ઇસ્કોન ખાતે રાસ ગરબાની અદ્ભૂત પ્રસ્તુતિ કરી હાજર દરેક ને મંત્રમુગ્ધ કરી દીધા હતા. નેશનલ લેવલે સાંસ્કૃતિક કૃતિઓ રજૂ કરી તેમજ અન્ય લોકોને કૃતિઓ તૈયાર કરાવી અત્યાર સુધીમાં ૨૦ લાખ કરતા વધારેના પુરસ્કારો પ્રાપ્ત કરેલ આ સ્કૂલના બાળકોનો ઉત્સાહ અને રાસ ગરબા ની રમઝટે વાતાવરણ પ્રફુલ્લિત બનાવ્યું હતું. પુરસ્કારની દરેક રકમ ઘરે ન લઈ જતા સમગ્ર રકમ સ્કૂલના ડેવલોપમેન્ટમાં વાપરવાના આ બાળકોના અભિગમની હાજર રહેલ દરેકે સરાહના કરી હતી. હાજર રહેલા ઘણા ગૃપો અને વ્યક્તિઓએ રોકડ પુરસ્કારો આપી આ બાળકોને બિરદાવ્યા હતા. હાલમાં જ રોટરી ક્લબ ઓફ ભાવનગર દ્વારા આ સ્કૂલમાં ૧.૨૫ લાખ લીટરની પાણીની ટાંકી બનાવવામાં આવેલ છે… અંતરિયાળ પર્વતીય વિસ્તારના ખેડૂતના બાળકો ધરાવતી અને વર્ષના ૩૬૫ દિવસ કાર્યરત આ સ્કૂલની મુલાકાત એકવાર અવશ્ય લેવા જેવી છે.